إذا ودّك ترجّعني .. تراني بالبحر إبرهـ , !

حفظتكـ أنت وأعذاركـ أعرفكـ زين صدقّني , !

معدّيها لك الكذبات لكن [ غير ] هَالمَرّهـ , !

طعنت الظهر في غفلة ولا لكـ عذر تطعنّي !

تحمّلتك أنت و عيوبكـ وكانت عشرتك مُرهـ , !


حسافة عمري اللي ضاع معْ شخصٍ مضيّعني , !

صعب جبر القلوب اللي بيدّ الغدر منكسرهـ , !


فلا اتحاول تجبّرني وبيدينك مكسّرني , !

أنا كنت بيدك حاجة [ ثمينة ] , كنت لك دُرهـ , !


تمنى الغير يملكني , ولا غيرك تملّكني , !

أنا قلبي سبب قلبكـ [ وقف ! ] مستغرب ٍ لأمرهـ !


تردد كلْ نبضاته : خسارة كيف يرخصني , !

تركتك [ قيصر ] لـ قلبي ولا قيصر بعد كسرى , !


رفعتك فوق للعالي , ولا قدّرت أبد مَنّي , !

أنا مانيب ندمان لـ علاقة زوّدت خبرهـ , !


أنا تعبان من [ طيب ] الخفوق اللي مدمّرني , !

أبيْ تعرف ترى ما كلّ مرّهـ تسلم الجرّهـ , !


ولا تسلم غدر غيري لو إنك سالم ٍ منّي , !

وبكرة تب تحس فيني ليا من صارلك عبرهـ ,


موفّق / حافظك من فيك جمّعني وفرّقني , !

أبقفي والدروب [ أشواك ] والخنقة من العَبرهـ , !


رفيقي : [ هَم ] والغربة : صدى شوقٍ يحاصرني , !

تعال الحين ودّعني , تعال إنفخ على الجمره , !


كفاية جمرة طعونك , خلاص ولا تودّعني , !

ليا حنيت لي والشوق صوّر لك من الذكرى , !


أبكتب شيّ بآخر بيت ركّز فيه وإذكرني , !


إذا ودّك ترجّعني .. تراني بالبحر إبرهـ , !

أبرجع لك إذا ودّك .. بشرط إنك تحصّلني !